سعودی عرب کے سعودی۔پاکستان مشترکہ بزنس کونسل کے چیئرمین شہزادہ منصور بن محمد آل سعود کی قیادت میں ایک اعلیٰ سطحی سعودی کاروباری وفد آج اسلام آباد پہنچا۔

یہ وفد پاکستانی قیادت سے ملاقاتیں کرے گا اور اعلیٰ سرکاری حکام، چیمبرز آف کامرس اور معروف کاروباری گروپوں کے ساتھ مشاورت کرے گا تاکہ پاکستان اور سعودی عرب کے درمیان دوطرفہ تجارت اور سرمایہ کاری کے فروغ کے نئے امکانات کا جائزہ لیا جا سکے۔

ان ملاقاتوں میں تجارت و سرمایہ کاری میں سہولت کاری اور تعاون کے مختلف پہلوؤں پر گفتگو کی جائے گی، جو سعودی وژن 2030 اور پاکستان کے معاشی ترقیاتی ایجنڈے سے ہم آہنگ ہیں۔

یہ دورہ پاکستان اور سعودی عرب کے درمیان گہرے، برادرانہ تعلقات کا مظہر ہے اور دونوں ممالک کے درمیان اقتصادی و سرمایہ کاری شراکت داری کو مزید وسعت دینے کے مشترکہ عزم کی عکاسی کرتا ہے