امریکی صدر ڈونلڈ ٹرمپ نے کہا ہے کہ ان کی انتظامیہ مشرق وسطیٰ میں تنازعہ کم کرنے کیلئے سفارتی کوششیں کر رہی ہے۔انہوں نے کہا کہ ایران اور اسرائیل کو اسی طرح معاہدہ کرنا چاہئے جیسے گزشتہ ماہ پاکستان اور بھارت نے کیا تھا۔

سوشل میڈیا پلیٹ فارم ایکس پر ایک پیغام میں انہوں نے کہا کہ ایران اور اسرائیل ایک معاہدہ کر لیں گے۔انہوں نے اے بی سی نیوز کو ایک انٹرویو میں امکان ظاہر کیا کہ روس کے صدر ولادی میر پیوٹن اس سلسلے میں مدد کر سکتے ہیں۔