وزیراعظم شہبازشریف نے ایک کروڑ ڈیجیٹل والٹس اکائونٹس قائم کرنے اور بے نظیر انکم سپورٹ پروگرام سے مستفید ہونے والے افراد میں ایک کروڑ مخصوص سمز فراہم کرنے کا آغاز کیا ہے۔

انہوں نے افتتاحی تقریب سے خطاب کرتے ہوئے انہوں نے کہا کہ یہ اقدام کیش لیس معیشت کی طرف ایک قدم ہے جس کا مقصد شفافیت یقینی بنانا اور بے نظیر انکم سپورٹ پروگرام سے فائدہ اٹھانے والوں کو مالی امداد کی باآسانی فراہمی ہے۔

انہوں نے کہاکہ کیش لیس معیشت سے وقت کی بچت ہوتی ہے اور کارکردگی میں اضافہ بدعنوانی کا خاتمہ اورملکی ترقی کی رفتار تیز ہوتی ہے۔

وزیراعظم نے اس اقدام پر بے نظیر انکم سپورٹ پروگرام کی چیئرپرسن روبینہ خالد اوردوسروں کو مبارک باد دی۔