بین الاقوامی دفاعی نمائش اور سیمینار2024کے 12 ویں ایڈیشن کاایکسپو سینٹر کراچی میں انعقاد

بین الاقوامی دفاعی نمائش اور سیمینارآئیڈیاز 2024کے 12 ویں ایڈیشن کاایکسپو سینٹر کراچی میں انعقاد

پاکستان کی ڈیفنس انڈسٹری کو بین الاقوامی سطح پر فروغ دینے کیلئے وزارت دفاع اور دفاعی پیداوار کے تحت ڈیفنس ایکسپورٹ پروموشن آرگنائزیشن (DEPO) ہر دو سال بعد آئیڈیازکے نام سے بین الاقوامی دفاعی نمائش اور سیمینار کا انعقاد کرتا ہے ۔

اس نمائش میں پاکستان میں مقامی طور پر تیار کردہ دفاعی سازوسامان کی نمائش کے ساتھ ساتھ دنیا بھر کی بڑی اور اہم دفاعی کمپنیاں بھی اپنے سازوسامان کی نمائش کرتی ہیں ۔

کراچی ایکسپو سنٹر میں 19 سے 22 نومبرتک آئیڈیاز 2024 کا 12 واں ایڈیشن منعقد ہوگا جس میں بین الاقوامی دفاعی نمائش کنندگان، مندوبین، سیکورٹی تجزیہ کار اور اعلی سطحی پالیسی منصوبہ ساز شرکت کریں گے ۔

دفاعی پیداوار اور برآمدات ایس آئی ایف سی کے ترجیحی شعبوں میں شامل ہیں گزشتہ چند برسوں میں پاکستان کی پبلک اور پرائیویٹ ڈیفنس انڈسٹریز نے دفاعی سازوسامان کی تیاری میں انتہائی مہارت حاصل کی ہے جو ڈیفنس انڈسٹری میں خود انحصاری کی طرف اہم سنگ میل ہے۔