خیبرپختونخوا حکومت نے اگلے مالی سال کیلئے صوبے میں معیاری تعلیم کے فروغ کیلئے تین سو اٹھائیس ارب روپے سے زائد رقم مختص کی ہے۔

صوبائی وزیر تعلیم فیصل خان ترکئی نے آج پشاور میں سالانہ ترقیاتی پروگرام کے ایک اجلاس کی صدارت کرتے ہوئے کہا کہ ڈیڑھ سو پرائمری سکولوں کا درجہ بڑھا کر مڈل اور مڈل کا درجہ بڑھا کرہائی سکول جبکہ ہائی سکولوں کا درجہ بڑھا کر انہیں اعلیٰ تعلیمی سکولوں میں تبدیل کیا جائے گا۔

اسی طرح سے صوبے بھر میں گھروں کے قریب بچوں کو اعلیٰ تعلیم مہیا کرنے کیلئے ایک سوپرائمری سکول تعمیر کئے جائیں گے۔