وزیراعلی پنجاب مریم نوازشریف نے ضلع رحیم یار خان کی تحصیل لیاقت پور کے علاقے ظاہر پیر بند کا دورہ کیا ۔

اس موقع پر انہوں نے علاقے میں سیلاب سے متاثرہ افراد کو بچانے کیلئے کارروائیوں کو سراہا۔

وزیراعلی نے منچن بند کے مقام پر امدادی کشتیوں میں سوار ہوکر آنے والے خاندانوں سے بھی ملاقات کی۔

انخلاء کے حوالے سے وزیراعلی کو آگاہ کرتے ہوئے ضلع رحیم یارخان انتظامیہ کے ترجمان نے بتایا کہ تحصیل لیاقت پور کے علاقوں نور والا ، گل محمد لنگاہ، ڈیرہ فریدی اور چھوہان میں پینتیس دیہات زیرآب آئے ہیں۔