ڈپٹی کمشنر علی اکبر بھنڈر کی ہدایت پر ریونیو ریکوریز اور پلس پراجیکٹ پر عملدرآمد کا جائزہ لینے کے حوالہ سے ایڈیشنل ڈپٹی کمشنر ریونیو ڈاکٹر امتیاز محسن کی زیر صدارت اجلاس۔ اجلاس میں افسران کی طرف سے ریونیو ریکوریز کے حوالے سے جائزہ لیا گیا۔اس موقع پر اسسٹنٹ کمشنرز نے بریفنگ دی اور سرکاری بقایا جات و دیگر متعلقہ امور بارے بھی تفصیلات سے آگاہ کیا۔ایڈیشنل ڈپٹی کمشنر نے کہا کہ ریکوریز کے حوالے سے ریونیو افسران کو ٹاسک سونپ دیئے گئے ہیں اور روزانہ کی بنیاد پر کارکردگی کا جائزہ لیا جا رہا ہے۔پلس پراجیکٹ کے حوالے سے بھی ریونیو افسران کی کارکردگی کا جائزہ لیا گیا۔ ایڈیشنل ڈپٹی کمشنر کا کہنا تھا کہ ریونیو افسران اپنی ذمہ داریوں کا ادراک کرتے ہوئے کارکردگی کا گراف بلند کریں تاکہ مقررہ اہداف حاصل کئے جا سکیں۔