سری لنکا کی کرکٹ ٹیم اسلام آباد پہنچ گئی

سری لنکا کی کرکٹ ٹیم پاکستان کے خلاف تین ٹی ٹوئنٹی بین الاقوامی میچوں کی سیریز کھیلنے کیلئے اسلام آباد پہنچ گئی ہے۔

کوسل مینڈس سری لنکا کی ٹی ٹوئنٹی ٹیم کی قیادت کر رہے ہیں۔

سیریز کے تینوں میچ راولپنڈی کرکٹ سٹیڈیم میں اس ماہ کی نو، گیارہ اور تیرہ تاریخ کو کھیلے جائیں گے۔

ٹی ٹوئنٹی سیریز کے بعد پاکستان، سری لنکا اور انگلینڈ کے درمیان سات میچوں پر مشتمل ایک روزہ سہ فریقی سیریز اس ماہ کی اٹھارہ سے اکتیس تاریخ تک کھیلی جائے گی۔

سہ فریقی سیریز کے پہلے تین میچ راولپنڈی میں جبکہ فائنل سمیت باقی چار میچ قذافی سٹیڈیم لاہور میں کھیلے جائیں گے۔

سری لنکا کی ٹیم سہ فریقی سیریز کے اختتام کے بعد پاکستان کے خلاف دو ٹیسٹ میچ بھی کھیلے گی۔