صدر آصف علی زرداری اور وزیراعظم محمد شہباز شریف نے سعودی عرب کے مفتی اعظم شیخ عبدالعزیز بن عبداللہ آل الشیخ کی وفات پر گہرے رنج و غم کا اظہار کیا ہے۔

اپنے الگ الگ پیغامات میں انہوں نے کہا کہ شیخ عبدالعزیز بن عبداللہ آل الشیخ کی وفات نہ صرف سعودی عرب بلکہ پوری امت مسلمہ کیلئے لمحہ غم ہے۔

صدر مملکت کہا کہ شیخ عبدالعزیز بن عبداللہ آل الشیخ کی دینی خدمات اور علمی رہنمائی ہمیشہ یاد رکھی جائے گی۔

وزیراعظم نے کہا کہ مرحوم شیخ جلیل القدر عالم دین تھے جن کی مسلم امہ کے اتحاد کیلئے کاوشیں اور علمی بصیرت ہمیشہ یاد رکھی جائیں گی۔

دونوں رہنماؤں نے سوگوارخاندان سمیت، خادمین حرمین شریفین اور سعودی عوام سے دلی تعزیت کا اظہار کرتے ہوئے مرحوم کے درجات کی بلندی کیلئے دعا کی۔