وزیراعلیٰ پنجاب مریم نواز نے کہا ہے کہ طویل عرصے سے نظر انداز کی گئی سڑکیں تیزی سے تعمیر کی جارہی ہیں جو صوبے کے بنیادی ڈھانچے کے منظرنامے میں ایک غیر معمولی پیشرفت ہے۔

انہوں نے یہ بات آج لاہور میں مواصلات اور تعمیرات کے محکمے کی کارکردگی کے جائزہ اجلاس کی صدارت کرتے ہوئے کہی۔

بریفنگ کے دوران وزیراعلیٰ کو بتایا گیا کہ بارہ ہزار کلو میٹر رقبے پر پھیلی ایک ہزار دوسو چودہ سڑکوں کی تعمیر مکمل کر لی گئی ہے۔

اجلاس میں صوبے بھر میںروایتی ٹول کے ٹھیکے داری نظام کو نئے ڈیجیٹل ٹول سسٹم سے تبدیل کرنے پربھی اتفاق کیا گیا۔