وزیراعلیٰ پنجاب مریم نواز شریف نے تمام متعلقہ محکموں کو مون سون بارشوں کے تناظر میں انتہائی چوکس رہنے کی ہدایت کی ہے۔

انہوں نے ایک بیان میں تمام کمشنرز اور ڈپٹی کمشنرز کو موسم کی صورتحال پر کڑی نظر رکھنے اور صوبے بھر میں بارش کے پانی کی بروقت نکاسی یقینی بنانے کی بھی ہدایت کی۔

مریم نواز شریف نے کہا کہ حکومت مون سون کے موسم میں عوام کو درپیش مشکلات سے بخوبی آگاہ ہے، اور یقین دلایا کہ ان کے مسائل کے حل کے لیے فوری اقدامات کیے جائیں گے۔