وزیر خزانہ محمد اورنگزیب نے کاروباری برادری کے اہم شراکت داروں کے ساتھ جامع مشاورتی عمل برقرار رکھنے کیلئے حکومت کے عزم کا اعادہ کیا ہے۔

اسلام آباد میں پاکستان بزنس کونسل کے ایک وفد سے گفتگو کرتے ہوئے انہوں نے مشاورت پر مبنی پالیسی مرتب کرنے کی ضرورت پر زور دیا۔

انہوں نے وفد کو بتایا کہ ٹیکس پالیسی کے دفتر کو ایف بی آر سے وزارتِ خزانہ منتقل کر دیا گیا ہے، تاکہ پاکستان بزنس کونسل جیسے فورمز کے ساتھ مشاورت کے ادارہ جاتی عمل کو فروغ دیا جا سکے۔