پاکستان اور میانمار نے خصوصاً گندھارا تہذیب اور کمیونٹی منصوبوں کے تناظر میں ثقافتی تعاون کو مزید بڑھانے پر اتفاق کیا ہے ۔

یہ اتفاق رائے قومی ورثہ اورثقافت کے وزیر کے اعزازی مشیر سید عثمان طاہر اور میانمار کے سفیر یو وونا ہان کے درمیان اسلام آباد میں ہونے والی ملاقات میں ہوا۔

سید عثمان طاہر نے انہیں پاکستان کے بھرپور ثقافتی ورثے اور مقامات کے بارے میں آگاہ کیا۔

میانمارکے سفیر یو وونا ہان نے دوطرفہ ثقافتی تعلقات کو مضبوط بنانے کے لئے مستقبل کے مشترکہ اقدامات کے امکانات کو اجاگر کیا۔