اقوام متحدہ میں پاکستان نے بھارت کے غیر قانونی زیر قبضہ جموں و کشمیر میں انسانی حقوق کی خلاف ورزیوں کو اجاگر کیا ہے۔

یہ بات اقوام متحدہ میں پاکستان کے قائم مقام مستقل مندوب عثمان جدون نے اقوامِ متحدہ کی جنرل اسمبلی کی تیسری کمیٹی میں انسانی حقوق کے ہائی کمشنر کے ساتھ ہونے والے باہمی مکالمے میں کہی۔

عثمان جدون نے کہا کہ مقبوضہ وادی میں انسانی حقوق کی خلاف ورزیوں کے لیے بھارت کو جوابدہ ٹھہرانے میں ناکامی اقوام متحدہ کے انسانی حقوق کے نظام کی ساکھ کو نقصان پہنچا رہی ہے۔