وفاقی وزیراطلاعات عطاء اللہ تارڑ نے کہا ہے کہ پاکستان تحریکِ انصاف، بشمول خیبر پختونخوا کے وزیراعلیٰ سہیل آفریدی نے ایسا سیاسی طرزِ عمل اپنایا ہے جس میں صوبے کے عوام کو گورننس دینا پسِ پشت چلا گیا ہے۔

سماجی رابطے کی ویب سائٹ ایکس پراپنے پیغام میں وزیراطلاعات ونشریات نے کہا کہ وزیراعلی خیبرپختونخوا کی ساری توجہ ایک غیر قانونی مطالبے پر مرکوز ہے کہ کرپشن کے کیس میں اڈیالہ جیل میں سزا کاٹنے والے بانی سے ہی سیاسی رہنمائی لی جائے, جو کہ جیل دولز کے خلاف ہے۔

انہوں نے کہا کہ دہشت گردی کے خلاف پاکستان کا ایک اہم صوبہ ہوتے ہوئے، بجائے اس کے کہ صوبائی حکومت اپنی ترجیحات امن، ترقی اور عوامی ریلیف پر رکھتی، جماعتی قیادت دن رات اسلام آباد میں اسی غیر قانونی بیانیے کے گرد سیاست گھماتی رہی۔انہوں نے مزید کہا کہ یہی نہیں، مبینہ طور پہ تحریکِ انصاف کی ایک خاتون سیاستدان نے انتہائی منفی حکمتِ عملی کے تحت افغانستان سے چلنے والے پاکستان دشمن اکاؤنٹس اور بھارتی میڈیا پر بانی پی ٹی آئی کے حوالے سے ایک گھٹیا مہم چلوائی۔اس مہم سے پوری دنیا میں پاکستان کو بدنام کرنے کی کوشس کی گئی۔ 

وزیراطلاعات نے کہ ان کا یہ طرزِ عمل کھلی پاکستان دشمنی ہے۔اس سے ملک کی ساکھ کو نقصان پہنچانے کی کوشش کی گئی۔

انہوں نے کہا کہ تحریکِ انصاف کو چاہیے کہ ملک دشمن بیانیے اور غلط ترجیحات ترک کر کے اب ریاست اور عوام کے مفاد کو مقدم رکھے۔