سکیورٹی فورسز نے بلوچستان میں دو الگ الگ کارروائیوں کے دوران بھارتی حمایت یافتہ فتنہ الہندوستان کے اٹھارہ دہشت گردوں کو ہلاک کردیا ہے۔

فوج کے شعبہ تعلقات عامہ کے مطابق ضلع کوئٹہ کے چلتن پہاڑوں میں دہشت گردوں کی مبینہ موجودگی کی خفیہ اطلاعات کی بنیاد پر کارروائی کی گئی۔

کارروائی کے دوران فورسز نے دہشت گردوں کے ٹھکانوں کوموثرطریقے سے نشانہ بنایا اور شدید فائرنگ کے تبادلے میں چودہ بھارتی حمایت یافتہ دہشت گرد ہلاک ہوگئے۔

ضلع کیچ کے علاقے بلیدہ میں خفیہ اطلاعات پر کی گئی ایک اورکارروائی میں دہشت گردوں کے ایک ٹھکانے کوتباہ کرتے ہوئے چاردہشتگردوں کوجہنم واصل کردیا گیا۔

دہشت گردی کی مختلف سرگرمیوں میں ملوث مارے گئے دہشت گردوں کے قبضے سے بھاری مقدار میں اسلحہ اور گولہ بارود بھی برآمد کیا گیا ۔