جھنگ کے سیلاب زدہ علاقوں کا دورہ کرنے کے بعد پریس کلب جھنگ میں پریس کانفرنس سے خطاب کرتے ہوئے انہوں نے کہا کہ پنجاب حکومت کا سیلاب میں ریسکیو آپریشن بہت بہتر تھا لیکن اب متاثرین کو دوبارہ آباد کرنے میں حکومت خاموش ہے اور غیر ضروری تاخیر کر رہی ہے۔ اس موقع پر پاکستان اتحاد پنجاب کے صدر محمد حسین، ضلعی صدر ندیم حیدر شاہ اور دیگر عہدیداران بھی موجود تھے۔ عمیر مسعود نے کہا کہ حکومت گندم کا ریٹ فکس کرئے نہیں تو اس بار کسان گندم کاشت نہیں کریں گے۔ اس موقع پر صوبائی صدر محمد حسین نے خطاب کرتے ہوئے کہا کہ پانی کا سیلاب تو کسانوں کو بہا لے گیا اب کہیں کسانوں کا سیلاب حکومت کو نہ بہا لے جائے۔ حکومت سیلاب سے متاثرہ کسانوں کے بجلی کے بل معاف کرئے۔ان کے زرعی قرضے معاف کرئے اور ان کے لئے فوری پیکج کا اعلان کرئے۔