وزیراعلی پنجاب مریم نواز شریف کی ہدایت پر صوبائی وزیر سوشل ویلفیئر و بیت المال سہیل شوکت بٹ نے جھنگ کا دورہ کیا۔ڈپٹی کمشنر علی اکبر بھنڈر،ممبر صوبائی اسمبلی عابدہ بشیر،سابق ممبر صوبائی اسمبلی محمد اسلم بھروانہ بھی موجود تھے۔ 500 سیلاب متاثرین خاندانوں کو دو ماہ کا راشن فراہم کیا گیا۔ صوبائی وزیر سوشل ویلفیئر و بیت المال سہیل شوکت بٹ نے کہا کہ ضلعی انتظامیہ،پولیس،پاک فوج،ریسکیو و دیگر اداروں کی مشکل وقت میں دن رات محنت پر انہیں خراج تحسین پیش کرتا ہوں۔سیلاب متاثرین میں جن کے گھر گرے ہیں ان کو دس لاکھ اور فصلوں،جانوروں کے نقصان کا بھی تخمینہ لگایا جا رہا ہے۔وزیر اعلیٰ پنجاب مریم نواز شریف از خود سیلاب متاثرہ علاقوں کا دورہ کر رہی ہیں۔دو ہفتوں کے اندر وزیر اعلیٰ پنجاب مریم نواز شریف کی ہدایت پر سیلاب متاثرین کے نقصان کے ازالہ ہو گا۔انہوںنے کہا کہ حکومت پنجاب سیلاب متاثرین کی مکمل آبادکاری تک انہیں تنہا نہیں چھوڑے گی۔پنجاب کو ترقی کی راہ پر گامزن کرنے کے ساتھ سیلاب متاثرین کی بھی بحالی کا کام جاری ہے۔این جی اوز اور مخیر حضرات کے ساتھ مل کر دو ہزار خاندانوں کیلئے راشن کا انتظام جلد جھنگ کیلئے کر رہے ہیں۔وزیر اعلی کا ہر کیبننٹ ممبر سیلاب متاثرہ علاقوں میں متاثرین کے ساتھ کھڑا ہے۔سیلاب متاثرین کے نقصانات کا ازالہ کریں گے۔اس ضمن میں شفاف انداز میں سروے کر رہے ہیں۔صوبائی وزیرنے مزید کہا کہ متاثرین کا حق ان کی دہلیز تک پہنچائیں گے۔چھوٹے کسانوں کے نقصانات کو بھی پورا کریں گے۔