بڑے بڑے انتخابی نعروں کے برعکس مودی کی ناقص معاشی کارکردگی کھل کرسامنے آگئی۔

نام نہاد بڑی معیشت کادعویٰ کرنے والے نااہل مودی کو برطانوی جریدہ”دی اکانومسٹ ” نے آئینہ دکھا دیا۔

دی اکانومسٹ کے مطابق بھارت کی معیشت اتنی بڑی نہیں جتنی سمجھی جاتی ہے۔ گزشتہ سال دسمبر کی سرکاری رپورٹ میں دعوی کیا گیا تھاکہ بھارت چوتھی بڑی معیشت بن چکا ہے۔

برطانوی جریدہ کے مطابق رواں سال فروری میں جاری ہونے والے نئے اعدادوشمار بھارتی معیشت کیلئے مایوس کن ثابت ہوئے اور بھارت کا جی ڈی پی پہلے کے مقابلے میں 3.3 فیصد کم رہا۔

معاشی ماہرین کے مطابق بھارت اب بیرونی سرمایہ کاری کیلئے ایک رسک مارکیٹ بن چکا ہے کیونکہ بھارتی معیشت مسلسل تنزلی کاشکار ہے۔ مودی حکومت کی غیر مستقل معاشی پالیسیوں، بڑھتی بیروزگاری اور سرمایہ کاروں کے اعتماد میں کمی نے بھارتی معیشت کی رفتار کو شدید متاثر کیا ہے۔

بھارت کا اقتصادی قوت بننے کا خواب ناکام مودی حکومت کی ناقص پالیسیوں کی وجہ سے زمین بوس ہوچکا ہے۔