وزیر داخلہ محسن نقوی نے پاسپورٹ کی درخواستوں، پرنٹنگ اور مجموعی کارکردگی کے لیے جدید ترین مانیٹرنگ سسٹم ‘شکرا’ کا افتتاح کر دیا ہے۔

انہوں نے اسلام آباد میں ڈائریکٹوریٹ جنرل آف امیگریشن اینڈ پاسپورٹ کے دورے کے دوران اس نظام کا افتتاح کیا۔

ڈائریکٹوریٹ جنرل آف امیگریشن اینڈ پاسپورٹ میں چوبیس گھنٹے مانیٹرنگ روم اور کال سنٹر بھی فعال کر دیا گیا ہے۔

وزیر داخلہ کی ہدایت پرایمرجنسی ٹریول ڈاکومنٹ کے نظام کو بھی ڈیجیٹل کر دیا گیا ہے۔

نئے نظام سے پاکستان و دنیا بھر میں پاسپورٹ درخواستوں اور ڈیلیوری کی رئیل ٹائم مانیٹرنگ ممکن ہو گی۔

پاسپورٹ کے اپلائی ہونے سے ڈیلیوری تک ہر مرحلے پر نگرانی کی جا سکے گی۔

نئے مانیٹرنگ سسٹم کے تحت پاسپورٹ دفاتر میں رش کی بھی خودکار نشاندہی کی جا سکے گی، نیٹ ورک میجمنٹ سسٹم کے تحت بیک لاگ اور مشینری سٹیٹس بھی مانیٹر ہوگا۔

محسن نقوی نے کہا کہ ہمارا مقصد شہریوں کو عالمی معیار کی تیز رفتار اور محفوظ خدمات کی فراہمی یقینی بنانا ہے۔

انہوں نے کہا کہ مانیٹرنگ کے جدید نظام سے محکمہ پاسپورٹس کی کارکردگی میں مزید بہتری آئے گی۔