وزیرریلوے محمد حنیف عباسی نے ملک بھر میں مسافروں کو محفوظ، صاف ستھری اور آرام دہ سفری سہولیات کی فراہمی کا عزم ظاہر کیا ہے۔

انہوں نے اسلام آباد میں پشاور ریلوے ڈویژن کی کارکردگی اور جاری اقدامات کا جائزہ لینے کے حوالے سے اجلاس کی صدارت کرتے ہوئے کہا کہ پاکستان ریلوے جدت، شفافیت اور عوامی خدمت کے نئے دور میں داخل ہو گیا ہے۔

وفاقی وزیر نے کہا کہ مسافروں کو سہولیات کی فراہمی حکومت کی اولین ترجیح ہے۔