وفاقی وزیرِ قانون و انصاف سینیٹر اعظم نذیر تارڑ سے آج (منگل) اسلام آباد میں سپیکر بلوچستان اسمبلی عبدالخالق خان اچکزئی نے ملاقات کی۔

ملاقات میں بلوچستان اسمبلی کے پارلیمانی امور، قانون سازی کے عمل اور صوبے میں قانون کی بالادستی سے متعلق مختلف پہلوؤں پر تفصیلی گفتگو ہوئی۔

وزیر قانون نے وفاقی حکومت کی جانب سے بلوچستان میں قانون سازی، عدالتی نظام اور گورننس میں بہتری کے لیے ہر ممکن تعاون کی یقین دہانی کرائی۔