پاکستان اسٹاک ایکسچینج کی عوام کو سوشل میڈیا پر غیرقانونی گروپس ، فورمز میں سرمایہ کاری کرنے سے گریز کی ہدایت

پاکستان اسٹاک ایکسچینج نے عوام کو خبردار کیا ہے کہ وہ سوشل میڈیا پر غیرقانونی گروپس اور فورمز میں سرمایہ کاری کرنے سے باز رہیں۔

پی ایس ایکس نے ایک بیان میں کہا ہے کہ سوشل میڈیا پر بعض غیرقانونی گروپ اور فورمز عوام کو دھوکہ دینے کیلئے مصنوعی ذہانت کی ٹیکنالوجی اور روایتی طریقے استعمال کر رہے ہیں۔

دھوکے باز افراد عوام کو جعلی سکیموں میں سرمایہ کاری پر راغب کرنے کیلئے قانونی طور پر رجسٹرڈ اداروں کا نام غلط طور پر استعمال کرتے ہیں۔

بیان کے مطابق حصص میں سرمایہ کاری صرف سیکیورٹی ایکسچینج کمیشن آف پاکستان کی لائسنس یافتہ کمپنیوں میں کرنی چاہئے۔