وزیراعظم کے سیاسی مشیر رانا ثناء اﷲ خان نے کہا ہے کہ پاکستان میں دھرنوں اور احتجاج کی سیاست کی کوئی گنجائش نہیں ہے ۔

انہوں نے لاہور میں صحافیوں سے گفتگو کرتے ہوئے کہا کہ ملک صرف پرامن ماحول میں ہی ترقی کرسکتا ہے۔

رانا ثناء اﷲ نے کہا کہ ریاست کے خلاف کام کرنے والوں سے کوئی مذاکرات نہیں کیے جاسکتے ۔

وزیراعظم کے مشیر نے بھارت کی سرپرستی میں ہونے والی دہشت گردی کے بارے میں بات کرتے ہوئے کہا کہ دنیا نے معرکہ حق میں پاکستان کی فتح کا مشاہدہ کیا ہے انہوں نے کہا کہ پاکستان دوبارہ حملہ ہونے کی صورت میں اس سے بھی سخت جواب دینے کا حق محفوظ رکھتا ہے ۔

رانا ثناء اﷲ نے ایک سوال کے جواب میں کہاکہ پنجاب بلدیاتی انتخابات کرانے کیلئے تیار ہے۔