ملک بھر میں جاری سیلابی صورتحال کے پیش نظر پاک فوج نے وسیع پیمانے پر فضائی ریسکیو اور امدادی آپریشنز شروع کر رکھے ہیں۔ متاثرہ علاقوں میں فوری ریلیف کے تحت درجنوں افراد کو محفوظ مقامات پر منتقل کیا جا چکا ہے۔جبکہ میڈیا رپورٹس کے مطاابق سیلابی صورت حآل کے باعث ملک بھر میں 170 سے زائد افراد جاں بحق ہوگئے

آرمی ایوی ایشن کے ہیلی کاپٹرز نے دشوار گزار اور دور دراز علاقوں میں پہنچ کر امدادی سرگرمیاں انجام دیں۔  چکری راجن گاؤں سے 3، چکوال اور خانپور سے 27، چک مونجو سے 10، ڈھوک بھدر سے 31 اور داراپور کے علاقے سے 38 افراد کو ریسکیو کیا گیا۔

متاثرہ علاقوں میں مقامی آبادی کو لائف جیکٹس، خوراک اور دیگر ضروری امدادی اشیاء فراہم کی جارہی ہیں، جبکہ مقامی انتظامیہ بھی پاک فوج کے ان آپریشنز میں بھرپور معاونت کر رہی ہے۔

 مشکل کی اس گھڑی میں پاک فوج قوم کے ساتھ کھڑی ہے۔