دفترخارجہ نے کہا ہے کہ بھارت نے سندھ طاس معاہدے کے تحت انڈس واٹر کمیشن کی بجائے سفارتی ذرائع کے ذریعے سیلاب کے بارے میں اطلاع دی۔

دفترخارجہ نے تصدیق کی کہ بھارت معاہدے کی تمام شقوں پر مکمل عملدرآمد کا پابند ہے۔

دفترخارجہ کا کہنا ہے کہ بھارت کی جانب سے یکطرفہ طور پر معاہدے کو معطل کرنا بین الاقوامی قانون کی سنگین خلاف ورزی کے زمرے میں آتا ہے اور جنوبی ایشیا میں امن واستحکام پر اس کے شدید منفی اثرات مرتب ہوسکتے ہیں۔