نائب وزیراعظم اور وزیر خارجہ محمد اسحاق ڈار نے علاقائی رابطے، متعدد ٹرانسپورٹ راہداریوں، پائیدار ترقی اور موسمیاتی تبدیلی سے نمٹنے میں تعاون کیلئے پاکستان کے عزم کا اعادہ کیا ہے۔

وہ آج (جمعہ) اقتصادی تعاون تنظیم کی وزارتی کونسل کے انتیسویں اجلاس سے آن لائن خطاب کررہے تھے۔

نائب وزاعظم نے کہا کہ پاکستان ٹرانسپورٹ کی مربوط راہداریوں کے ذریعے علاقائی روابط کے اہداف کے حصول کے لئے ای سی او وژن2025 کے لئے پرعزم ہے۔

انہوں نے کہا کہ علاقائی روابط کے ای سی او وژن کے لئے رکن ممالک کی جانب سے اجتماعی کوششوں کی ضرورت ہے تاکہ خطے کو درپیش سنگین سیکورٹی مسائل سے نمٹا جاسکے۔

انہوں نے ای سی او رکن ملکوں پر زور دیا کہ وہ خطے میں اقتصادی تعاون کیلئے ٹھوس بنیاد فراہم کرتے ہوئے دہشت گردی کے مسئلے پر قابو پائیں۔