اقوام متحدہ نے پاکستان کے مختلف علاقوں میں شدید بارشوں کے نتیجے میں آنے والے تباہ کن سیلاب کے متاثرین کی امداد کیلئے چھ لاکھ ڈالر جاری کیے ہیں۔

اقوام متحدہ کے ترجمان اسٹیفان دوجارک نے بریفنگ میں صحافیوں کو بتایا کہ پاکستانی حکام اقوام متحدہ اور مقامی شراکت داروں کی معاونت سے مناسب اقدامات کررہے ہیں۔

توقع ہے کہ اقوام متحدہ کے حکام کی ایک ٹیم سیلاب سے ہونے والے نقصانات کاجائزہ لینے کیلئے کل ایک سروے کرے گی۔