ڈپٹی کمشنر علی اکبر بھنڈر کی ہدایات پر ایڈیشنل ڈپٹی کمشنر جنرل عامر محمود کی زیر صدات ضلعی محکموں کے افسران کا اجلاس منعقد ہوا جس میں محکمانہ کارکردگی و جاری منصوبوں کی کارکردگی کا تفصیلی جائزہ لیا گیا۔اجلاس میں پرائس کنٹرول مجسٹریٹس کی گزشتہ روز کی کارکردگی پر غور کیا گیا اور اشیائے ضروریہ کی قیمتوں کو کنٹرول میں رکھنے کے لیے اقدامات کا جائزہ لیا گیا۔ ستھر اپنجاب و و ا سا جھنگ کی ورکنگ کے حوالے سے تفصیلی بریفنگ لی گئی جبکہ بیوٹیفکیشن اسکیموں پر کام کی پیشرفت کے حوالے سے ڈپٹی ڈائریکٹر ڈویلپمنٹ نے آگاہ کیا۔ ایڈیشنل ڈپٹی کمشنر جنرل عامر محمود نے پیرا فورس کو عارضی تجاوزات کے خاتمے کیلئے مانیٹرنگ مزید تیز کرنے کی ہدایت کی جبکہ محکمہ ہائی وے کوبھی جاری اسکیموں کی نگرانی کے احکامات جاری کئے گئے۔ایڈیشنل ڈپٹی کمشنر جنرل عامر محمود نے تمام افسران کو ہدایت کی کہ عوامی فلاحی منصوبوں پر تیزی اور شفافیت کے ساتھ عملدرآمد کو یقینی بنایا جائے۔اس ضمن میں کسی قسم کی سستی اور غفلت ہر گز برداشت نہیں کی جائیگی۔