بنگلہ دیش کی وزیراعظم حسینہ واجد نے استعفیٰ دے دیا ہے جہاں دارالحکومت ڈھاکہ میں بڑی تعداد میں مظاہرین وزیراعظم کی سرکاری رہائش گاہ میں داخل ہوگئے ہیں۔

ذرائع ابلاغ کی اطلاعات کے مطابق حسینہ واجد سرکاری رہائش گاہ چھوڑ کر فوجی ہیلی کاپٹر میں بھارت روانہ ہوگئیں جہاں سے وہ فن لینڈ چلی جائیں گئیں۔بین الاقوامی ذرائع ابلاغ کے مطابق بنگلہ دیش کے آرمی چیف جنرل وقار الزمان نے قوم سے خطاب میں عبوری حکومت بنانے کا اعلان کیا۔گزشتہ دو روز کے دوران پولیس اور ہزاروں مظاہرین کے درمیان جھڑپوں میں سو سے زائد افراد ہلاک اور سینکڑوں زخمی ہوئے ہیں۔