منصوبہ بندی و ترقی کے وزیر احسن اقبال نے کہا ہے کہ ملک کی پائیدار ترقی کے لیے سیاسی استحکام اور پالیسیوں کا تسلسل ضروری ہے۔

وہ آج لاہور میں یونیورسٹی آف انجینئرنگ اینڈ ٹیکنالوجی میں وزیراعظم کی لیپ ٹاپ سکیم کے حوالے سے منعقدہ تقریب سے خطاب کر رہے تھے۔

احسن اقبال نے کہا کہ حکومت زندگی کے ہر شعبے میں مصنوعی ذہانت کے بڑھتے ہوئے کردار کے پیش نظر نوجوان نسل کو ڈیجیٹل مہارت سے آراستہ کر رہی ہے۔

انہوں نے کہا کہ پی ٹی آئی کے دور حکومت میں چین پاکستان اقتصادی راہداری سمیت اہم ترقیاتی منصوبوں کو نقصان پہنچا۔