قومی اسمبلی کو آج بتایا گیا کہ جعلی ادویات کی نشاندہی اور انکی فروخت کی روک تھام میں مدد کیلئے تمام ادویات پر بارکوڈز لگائے جائینگے۔

یہ بات وزیرصحت سید مصطفی کمال نے قومی اسمبلی میں وقفہ سوالات کے دوران ایک سوال کے جواب میں بتائی۔

انہوں نے وضاحت کی کہ بارکوڈ ادویات کی قیمت اور زائد المعیاد ہونے کی تاریخ بھی بتائے گا اور ایک ہیلپ لائن کے ذریعے کوئی بھی متعلقہ شکایت درج کرائی جاسکتی ہے یہ ہیلپ لائن جلد شروع کی جائیگی۔

ایک اور سوال کے جواب میں سید مصطفی کمال نے کہا کہ حکومت یونیورسل میڈیکل ریکارڈ کے نام سے ایک منصوبے پر کام کررہی ہے جو تمام شہریوں بالخصوص کینسر سے متعلقہ تمام اعدادوشمار کا ریکارڈ رکھے گا۔

انہوں نے کہا کہ کمپیوٹرائزڈ شناختی کارڈ نمبر ہی پر شہری کا میڈیکل ریکارڈ نمبر ہوگا۔