حکومت خصوصی سرمایہ کاری سہولت کونسل کے تعاون سے وسطی ایشیائی ممالک کے ساتھ تجارتی تعلقات کو فروغ دینے کے لیے اقدامات کر رہی ہے۔

اس سلسلے میں وزیراعظم شہباز شریف کے آذربائیجان اور ازبکستان کے اہم دورے قومی معیشت کے استحکام اور سرمایہ کاری کے فروغ کے لیے اہم پیش رفت کی نمائندگی کرتے ہیں۔

پاکستان اور ازبکستان کے درمیان تجارتی تعلقات کو مزید مضبوط بنانے کے لیے مفاہمت کی یادداشتوں پر دستخط کیے گئے ہیں۔

پاکستان اور ازبکستان کے درمیان مشترکہ منصوبوں سے ٹیکسٹائل، زراعت اور فارماسیوٹیکل کے شعبوں میں ترقی کی توقع ہے۔

 ازبکستان،افغانستان ،پاکستان ریلوے منصوبہ علاقائی تجارت کے لیے ایک اہم سنگ میل ہے، اس کی تیزی سے تکمیل کے پختہ عزم کے ساتھ پاکستان اور آذربائیجان نے توانائی، انفراسٹرکچر اور سرمایہ کاری کے شعبوں میں تعاون بڑھانے پر اتفاق کیا ہے۔