سکھ فار جسٹس اور خالصتان تحریک کے لیڈر گرپتونت سنگھ پنوں نے کہا ہے کہ دوکروڑ سکھ پاکستان کے عوام کے ساتھ ایک  چٹان کی مانند ثابت قدمی سے کھڑ ے ہیں۔

انہوں نے ایک بیان میں کہا کہ وہ بھارتی فوج کو پاکستان پر حملے کے لئے پنجاب سے گزرنے نہیں دیں گے۔

انہوں نے مزید کہا کہ بھارت میں اقلیتوں بالخصوص سکھوں پر زیادتی سب کے سامنے ہے۔

گرپتونت سنگھ پنوں نے عہد کیا کہ وہ مودی‘ اجیت DOVAL ‘ امیت شاہ اور جئے شنکر کو بین الاقوامی قانون کے تحت انصاف کے کٹہرے میں لائیں گے۔

انہوں نے دعویٰ کیا کہ پہلگام میں بھارت نے سیاسی مفادات حاصل کرنے کیلئے اپنے ہی ہندوئوں کو ہلاک کیا۔