ایران نے سیستان ۔ بلوچستان میں آٹھ پاکستانی شہریوں کے قتل کے مجرموں کو انصاف کے کٹہرے میں لانے کیلئے مکمل تعاون کی یقین دہانی کرائی ہے۔

ایران کے وزیر خارجہ سید عباس عراقچی نے یہ یقین دہانی نائب وزیراعظم اسحاق ڈار سے ٹیلیفون پر گفتگو کرتے ہوئے کرائی۔ انہوں نے ایران میں آٹھ پاکستانیوں کے افسوسناک قتل کے واقعہ پر تعزیت بھی کی۔ایرانی وزیرخارجہ نے اسحاق ڈار کو عمان میں ایران اور امریکہ کے درمیان بارہ اپریل کو ہونیوالے مذاکرات کے متعلق بھی آگاہ کیا جسے نائب وزیراعظم نے سراہا اور اس کی حوصلہ افزائی کی۔