وزیر اطلاعات و نشریات عطا اللہ تارڑ نے کہا ہے کہ عید کے روز پی ٹی آئی کے بانی کی ان کے بچوں سے فون پر بات کرائی جائے گی جیسا کہ پہلے بھی ایسا کیا گیا ہے۔

انہوں نے یہ بیان ایکس پر جمائما گولڈ اسمتھ کی پوسٹ کا جواب دیتے ہوئے دیا۔

وفاقی وزیر نے کہا کہ پی ٹی آئی کے بانی کے بچوں کا پاکستانی شہری ہونے کے ناطے اپنے نائیکوپ کارڈز پر پاکستان آنے کا خیرمقدم کیا جائے گا جس کیلئے کسی ویزا کی ضرورت نہیں ہے۔

تاہم انہیں قیام کے دوران پاکستان کے قوانین کی مکمل پابندی کرنا ہوگی۔