نائب وزیراعظم اسحاق ڈار نے پاک امریکہ دوطرفہ تجارت اور معاشی تعاون مستحکم بنانے میں امریکہ کے نجی شعبے کے اہم کردار کا اعتراف کیا ہے ۔

وہ اسلام آباد میں اکنامک پاکستان امریکن کونسل اور یونائیٹڈ مسلم امریکن ایسوسی ایشن کے مشترکہ وفد سے گفتگو کررہے تھے۔

اسحاق ڈار نے دونوں ملکوں کے درمیان بین المذاہب ہم آہنگی اورعوام کے درمیان گہرے تعلقات کے فروغ کیلئے سول معاشرے کی تنظیموں کے اہم کردار کو بھی اجاگر کیا ۔