اقتصادی امور کے وزیر احد چیمہ نے متعلقہ حکام کو ہدایت کی ہے کہ بیرون ملک مقیم پاکستانیوں کو قابل عمل قومی بنیادی ڈھانچے کے منصوبوں میں سرمایہ کاری کے قابل بنانے کے لیے ایک طریقہ کار وضع کیا جائے۔

انہوں نے آج اسلام آباد میں ایک اجلاس کی صدارت کرتے ہوئے سرکاری اور نجی شراکت داری کے تحت قابل عمل منصوبوں کی تیاری کا عمل تیز کرنے کی ہدایت کی۔

اجلاس میں مین لائن ون ریلوے منصوبے، کھاریاں راولپنڈی موٹروے اور سی ڈی اے کی جانب سے تجویز کردہ کئی منصوبوں کا جائزہ لیا گیا، جن میں گندھارا کلچر منصوبہ اور کیپیٹل ہسپتال کی توسیع بھی شامل ہے۔