وزیر خزانہ محمد اورنگزیب نے مالیاتی نظم و ضبط، پالیسی کی ساکھ کو یقینی بنانے، سٹرکچرل اصلاحات اور طویل المدتی اقتصادی تبدیلی کے حوالے سے حکومت کے عزم کا اعادہ کیا ہے۔

ان خیالات کا اظہار انہوں نے واشنگٹن ڈی سی میں آئی ایم ایف کی سینئر انتظامیہ کے ساتھ ملاقاتوں کے دوران کیا۔

وزیر خزانہ نے پاکستان کی بہتر مالی صورتحال، بیرونی معاملات میں توازن، محصولات کے اہداف کا حصول، مضبوط زرمبادلہ کے ذخائر، ریکارڈ ترسیلات زر اور کرنٹ اکائونٹ کی بہتر صورتحال کو خصوصی طور پر اجاگر کیا۔