پنجاب کی وزیراعلیٰ مریم نواز شریف نے صوبے میں جدید زرعی مشینری کے فروغ کے لیے اہم اقدامات کرنے کا اعلان کیا ہے۔

انہوں نے آج ایک بیان میں کہا کہ دو سال کے دوران کاشت کاروں کو 30 ہزار ٹریکٹر فراہم کیے جائیں گے۔

مریم نواز نے کہا کہ زراعت کو مشینری پر منتقل کرنے سے لاگت میں کمی اور پیداوار میں اضافہ ہوگا۔ انہوں نے کاشت کاروں پر زور دیا کہ وہ کاشت کاری کے روایتی طریقوں کے بجائے جدید طریقے اپنائیں۔