صنعتوں اور پیداوار کے بارے میں وزیراعظم کے معاون خصوصی ہارون اختر نے کہا ہے کہ پاکستان پہلی بار نیشنل ویمن انٹرپرینیورشپ پالیسی متعارف کرانے جا رہا ہے۔

آج (پیر) اسلام آباد میں مشترکہ پاکستان۔آذربائیجان ویمن انٹرپرینیورشپ ڈائیلاگ سے خطاب کرتے ہوئے انہوں نے کہا کہ حکومت خواتین کی معاشی شمولیت کو محض خواہش نہیں بلکہ قومی معاشی حکمت عملی بنا رہی ہے۔

ہارون اختر نے کہا کہ کاروباری خواتین کو ایس ایم ای فنانسنگ سکیموں میں آسان رسائی دی جارہی ہے۔ انہوں نے کہا کہ نیشنل انڈسٹریل پالیسی میںکاروباری خواتین کو مرکزی حیثیت حاصل ہے۔