پاکستان نے گلگت بلتستان کی چوٹی لیلیٰ پر کوہ پیمائی کے ایک حادثے میں عالمی شہرت یافتہ ایتھلیٹ لورا ڈل مئیر کی المناک وفات پر گہرے دکھ اور افسوس کا اظہار کیا ہے۔

دفترخارجہ نے ایک بیان میں کہا کہ لورا ڈل مئیر ایتھلیٹس کیلئے ایک مثال اور دنیا بھر کیلئے ایک خواب تھی۔ ان کا لازوال جذبہ اور حقیقی کردار ہمیشہ ایک درخشندہ مثال رہے گا۔ بیان میں کہا گیا ہے کہ پاکستان سوگوار خاندان سے دلی تعزیت کرتا ہے اور جرمن عوام کو بھی لوراڈل میئر کی موت پر افسوس ہے۔