شمیر میں بھارت کے غاصبانہ قبضہ کے خلاف ملک بھر میں 27 اکتوبر کو یوم سیاہ کے طور پر منایا گیا اس حوالہ سے کشمیریوں سے اظہار یکجہتی کے لئے مرکزی ریلی ضلع کونسل سے نکالی گئی

جس کی قیادت ڈپٹی کمشنر علی اکبر بھنڈر نے کی۔ریلی میں ایڈیشنل ڈپٹی کمشنر جنرل عامر محمود،سی او ضلع کونسل محمد اکرم بھروانہ، سابق ممبر صوبائی اسمبلی راشدہ یعقوب شیخ،سابق ممبر صوبائی اسمبلی سلطان سکندر بھروانہ سمیت محکمہ پولیس،دیگر ضلعی محکموں کے افسران، ملازمین،میڈیا،انجمن تاجران، طلباءاور سول سوسائٹی سے تعلق رکھنے والے افراد بھی شریک تھے۔

شرکاءریلی نے کشمیریوں سے اظہار یکجہتی کے لئے قومی پرچم اور کشمیری پرچم اٹھائے ہوئے تھے۔ریلی کے دوران بھارت کے غاصبانہ قبضہ کے خلاف ،کشمیر بنے گا پاکستان،آزادی کشمیر ناگزیر کے فلک شگاف نعرے بھی لگائے گئے۔اس موقع پر ڈپٹی کمشنر نے گفتگوکرتے ہوئے کہا کہ مقبوضہ کشمیر میں بھارتی ظلم و ستم اور انسانی حقوق کی خلاف ورزیاں پوری دنیا کے سامنے بے نقاب ہوچکی ہیں۔

کشمیریوں پر بھارتی ظلم وستم، وحشیانہ جبر و تشدد کے خلاف ہر سطح پر آواز بلند کرتے رہیں گے۔پاکستانی قوم کا ہر فرد کشمیر کی آزادی کا سورج طلوع ہونے تک کشمیری بھائیوں کے شانہ بشانہ ہے۔انہوںنے مزید کہا کہ کشمیر میں بہنے والا خون راہیگاں نہیں جائے گا کشمیر کی آزادی کا سورج ضرورطلوع ہوگا۔ ریلی کے اختتام پر اقوامِ عالم سے پو زور مطالبہ کیا گیا کہ وہ مقبوضہ جموں و کشمیر میں بڑھتی انسانی حقوق کی بدترین خلاف ورزیوں کی روک تھام کے لیے عملی اقدام کرے۔ بعد ازاں کشمیر کی آزادی اور ملک و قوم کی سلامتی و استحکام کےلئے خصوصی دعا کا بھی اہتمام کیا گیا