بھارتی میڈیا نے کہا ہے کہ ہندتوا کے نظریے پر کاربند انتہا پسندوں نے بھارت میں اقلیتوں کی زندگی اجیرن کردی ہے۔

بھارتی جریدے دی وائر کے مطابق ہندتوا کی بالادستی کی پیروی کرنے والی مودی حکومت کی سرپرستی میں مسلمانوں اور دیگر اقلیتوں کی زندگیاں مشکل سے مشکل تر ہوتی جا رہی ہیں۔

ہندتوا کے بڑھتے ہوئے اثر و رسوخ کی وجہ سے مسلمانوں اور عیسائیوں کی عبادت گاہوں پر حملے ہو رہے ہیں جبکہ اقلیتوں کو انتہا پسند عناصر کی جانب سے تشدد کا نشانہ بنایا جا رہا ہے۔

ہندوستان ٹائمزکی طرف سے شائع کی گئی ایک اور رپورٹ میں کہا گیا ہے کہ آسام کے متعصب وزیر اعلیٰ نے ایک نفرت آمیز بیان میں مسلمانوں سے کہا کہ وہ بنگلہ دیش میں اپنا ووٹ ڈالیں۔

بڑھتی ہوئی عدم برداشت کے پیش نظر ماہرین کا خیال ہے کہ بھارت میں اقلیتوں اور کمزور گروہوں کے خلاف تشدد سماجی ہم آہنگی کو تباہ کر رہا ہے اور سنگین داخلی بدامنی پیدا کر رہا ہے۔