متحدہ عرب امارات کے صدر اور ابوظہبی کے حکمران شیخ محمد بن زاید النہیان آج ایک روزہ سرکاری دورے پر اسلام آباد پہنچ گئے ہیں۔

وزراء اور سینئر حکام پر مشتمل اعلیٰ سطح کا ایک وفد بھی  یو اے ای کے صدر کے ہمراہ ہے۔

دورے کے دوران متحدہ عرب امارات کے صدر شیخ محمد بن زاید النہیان وزیراعظم سے ملاقات کریں گے جس میں دونوں رہنما دوطرفہ تعلقات کے تمام پہلوؤں کا جائزہ لیں گے اور باہمی دلچسپی کے علاقائی اور بین الاقوامی امور پر تبادلہ خیال کریں گے۔

یہ دورہ پاکستان اور متحدہ عرب امارات کے درمیان دیرینہ برادرانہ تعلقات کو مزید مضبوط بنانے کا ایک اہم موقع فراہم کرے گا۔

اسلام آباد آمد پر یواے ای کے صدر کا پُرتپاک استقبال کیا گیا۔