اساتذہ طالبعلموں کی قابلیت اور استعداد کار بڑھانے کےلئے ان پر بھر پور توجہ مرکوز کریں۔ڈپٹی کمشنر

ڈپٹی کمشنر علی اکبر بھنڈر نے کہا ہے کہ اساتذہ طالبعلموں کی قابلیت اور استعداد کار بڑھانے کےلئے ان پر بھر پور توجہ مرکوز کریں۔ معیاری تعلیم کا فروغ تسلسل سے جاری رکھنے کےلئے تعلیمی اداروں کو دور جدید کے تعلیمی تقاضوں سے ہم آہنگ کرنے کےلئے ٹھوس اقدامات کئے جا رہے ہیں۔ ان خیالات کا اظہار انہوں نے دو سکولوں کے اساتذہ، طلباءسے میٹنگ کے دوران کیا۔ اس موقع پرڈپٹی کمشنر نے سکولوں میں تعلیمی معیار کو مزید بہتر کرنے کے حوالے سے بریفنگ کے دوران سکولوں میں تدریسی سرگرمیوں کے حوالے سے دریافت کیا اور ضروری امور بارے احکامات جاری کئے۔ڈپٹی کمشنر نے کہا کہ ایجوکیشن افسران سکولوں کا دورہ کرکے تدریسی و دیگر امور کی نگرانی کو یقینی بنائیں اور اس حوالہ سے سکولوں میں سہولیات کے حوالہ سے جائزہ لیکر رپورٹ پیش کی جائے۔ بعد ازاں ڈپٹی کمشنر نے طلباء وطالبات کی جانب سے بنائے گئے ماڈلز کوسراہااور کہا کہ ایسے قابل اور ہونہار طلبا و طالبات پاکستان کا روشن مستقبل ہیں۔