وزیرِ اعلیٰ پنجاب مریم نواز شریف کی جانب سے اقلیتی برادریوں کی فلاح و بہبود اور تعلیمی ترقی کے لیے جاری اقدامات کے تحت مسیحی برادری کے مستحق اور ہونہار طلبہ و طالبات میں تعلیمی وظائف (سکالرشپ) کے چیکس تقسیم کئے جا رہے ہیں۔ڈپٹی کمشنر علی اکبر بھنڈر نے ایک مستحق اور قابل طالبہ کو سکالرشپ چیک فراہم کیا اور کہا کہ تعلیم نوجوان نسل کے روشن مستقبل کی ضمانت ہے۔ حکومتِ پنجاب اقلیتی برادریوں کو مساوی تعلیمی مواقع فراہم کرنے اور ان کی استعدادِ کار میں اضافے کے لیے عملی اقدامات کر رہی ہے۔انہوں نے مزید کہا کہ وزیرِ اعلیٰ پنجاب مریم نواز شریف کے وژن کے مطابق تعلیم کے فروغ اور اقلیتی برادریوں کی ترقی کے لیے مختلف فلاحی اور تعلیمی منصوبوں پر عملدرآمد جاری ہے تاکہ ہر طالب علم کو آگے بڑھنے کے یکساں مواقع میسر آ سکیں۔حکومتِ پنجاب اقلیتی برادریوں کے حقوق کے تحفظ، فلاح و بہبود اور معیاری تعلیم کی فراہمی کے لیے اپنے عزم پر کاربند ہے۔