ایک سال کے دوران معیشت کی بہتری میں نمایاں پیش رفت ہوئی ہے،وزیرخزانہ

وزیر خزانہ محمد اورنگزیب نے حکومت کے آئندہ تین سے پانچ سالوں میں برآمدات تیس ارب ڈالر سے ساٹھ ارب ڈالر تک بڑھانے کے عزم کا اعادہ کیا ہے۔

اشارک اور بلومبرگ سے گفتگو کرتے ہوئے انہوں نے کہا کہ پاکستان کا مقصد خطے میں اپنی تجارتی شراکت داری کو بڑھانا ہے، علاقائی تجارت کے فروغ پر زور دینے سے ہماری برآمدات بڑھانے میں مدد ملے گی۔

وزیر خزانہ نے کہا کہ گزشتہ ایک سال کے دوران معیشت کی بہتری میں نمایاں پیش رفت ہوئی ہے۔ حکومت نے مہنگائی اور شرح سود میں کمی کے لیے اہم فیصلے کر لیے۔

انہوں نے کہا کہ ہم نجکاری کے عمل کو تیز کریں گے، اس بات پر زور دیتے ہوئے کہ پبلک سیکٹر کے محکموں میں اصلاحات جاری رہیں گی۔ انہوں نے کہا کہ رائٹ سائزنگ حکومتی اخراجات میں نمایاں کمی کا باعث بنے گی۔