جماعت اسلامی کی اپیل پر اسرائیل جارحیت کے خلاف احتجاجی ریلیاں، ننھے بچے بھی سڑکوں پر نکل آئے

جماعت اسلامی کی اپیل پر جھنگ میں اسرائیل جارحیت کے خلاف شہر بھر میں جماعت اسلامی سمیت مختلف اسکولوں کی جانب سے احتجاجی ریلیاں نکالیں گئی ، جماعت اسلامی کی جانب احتجاجی ریلی نکالی گئی،پرائیویٹ سکول منیجمنٹ ایسوسی ایشن جھنگ کے زیر اہتمام اسرائیل کے خلاف ریلی نکالی گئی جس کی قیادت چئیرمین پرائیویٹ سکولز منیجمنٹ ایسوسی ایشن جھنگ کنور محمد علی نے کی۔
ریلی میں نجی سکول کے طلباء،سکولوں کے سربراہان، مبشر حسن خان ،ذکا اللّٰہ خان ،مدثر ملک ، شہزاد شاہ، حفیظ خان راؤ عبدالمجیب خان کے علاؤہ سماجی شخصیات و سول سوسائٹی نے شرکت کی۔ریلی بلوم فیلڈ سکول سے مین گیٹ گوجرہ روڈ تک نکالی گئی۔ریلی کے شرکاء کی جانب سے اسرائیلی جاہریت اور بربریت کے خلاف خوب نعرے بازی کی گئی۔ریلی کے شرکاء نے خطاب کرتے ہوئے کہا کہ اسرائیل نے 45 ہزار سے زائد مظلوم مسلمان شہید کرکے غزہ کو کھنڈرات میں تبدیل کر دیا ہے۔ہم اپنے فلسطینی بھائیوں اور بہنوں کے ساتھ اظہار یکجہتی کرتے ہیں، بچوں نے بھی فلسطینیوں کے ساتھ اظہارِ یکجہتی کرتے ہوئے اپنے خیالات کا اظہار کیا۔فلسطین میں اسرائیلی مظالم کے ایک سال مکمل ہونے پر فلسطینی بچوں سے اظہار یک جہتی کیلئے ایپل گروپ آف سکولز معصوم کیمپس جھنگ کی جانب سے بھی تقریب کا اہتمام کیا گیا۔چناب کالج جھنگ میں فلسطین سے اظہارِ یکجہتی کیلئے عظیم الشان اسمبلی کا انعقاد کیا گیاجس میں طلباء نے نظمیں پڑھیں، ملی نغمے گائےاور اردو و انگریزی میں تقاریر کیں جن میں فلسطینی عوام کی مشکلات اور ان کے عزم کو سراہا گیا۔پرنسپل چناب کالج لیفٹیننٹ کرنل (ر) اعظم مقبول صدیقی نے اپنے خطاب میں فلسطینی عوام کے لیے گہری ہمدردی کا اظہار کرتے ہوئے طلباء کو ظلم کے خلاف آواز اٹھانے اور امن کے قیام کی اہمیت پر زوردیا۔اسمبلی کے بعد طلباء و طالبات نے الگ الگ ریلیاں نکالیں اور فلسطینی عوام سے یکجہتی کا اظہار کیا۔ تقریب کا اختتام دعا کے ساتھ ہوا جس میں امتِ مسلمہ اور خاص طور پر فلسطین کے لیے دعا کی گئی