حکومتی پالیسیوں کی بدولت ملکی معیشت ترقی کی راہ پر گامزن

گزشتہ ایک سال سے حکومت کی دانشمندانہ پالیسیوں کی بدولت ملکی معیشت ترقی کی راہ پر گامزن ہے۔

آٹھ فروری دو ہزار چوبیس کے انتخابات کے بعد سے زراعت اور صنعت سمیت مختلف شعبوں میں بہتری دیکھی گئی ہے۔

سرمایہ کاری میں اضافہ ہوا ہے اور مہنگائی اڑتیس فیصد سے کم ہو کر تقریباً دو فیصد رہ گئی ہے۔

عوام نے حکومت کی ایک سالہ کارکردگی پر اطمینان کا اظہار کیا ہے۔ انہوں نے اس بات کو تسلیم کیا ہے کہ اس عرصے کے دوران ملکی معیشت مستحکم ہوئی ہے جس سے روزگار کے نئے مواقع پیدا ہوئے ہیں۔

انہوں نے کہاکہ مہنگائی میں کمی سے عام آدمی کو ریلیف ملا ہے۔